Skagamenn töpuðu fyrir KR í úrslitum Lengjubikarsins
Sigurður Þór Sigursteinsson • April 10, 2019
Meistaraflokkur karla mætti KR í úrslitum Lengjubikarsins á Eimskipsvellinum í kvöld. Um hörkuleik var að ræða og baráttan var í fyrirrúmi hjá báðum liðum allan leikinn.
Bæði lið fengu góð marktækifæri í hálfleiknum sem ekki náðist að nýta. KR var þó á undan að skora en markið gerði Pablo Punyed eftir stoðsendingu frá Óskari Erni Haukssyni á 23. mínútu.
Einungis tveimur mínútum síðar áttu Skagamenn fallegt samspil upp vallarhelming KR sem endaði með því að Gonzalo Zamorano gaf boltann á Bjarka Stein Bjarkason sem skoraði með góðu skoti.
Þrátt fyrir góðar tilraunir af hálfu beggja liða var ekki skorað meira í hálfleiknum og staðan því 1-1 í hálfleik.
Síðari hálfleikur var svo um margt svipaður og sá fyrri. Mikil barátta í leiknum og töluvert um leikbrot þannig að ljóst var að hvorugt liðið vildi gefa þumlung eftir.
Eftir tíu mínútna leik í hálfleiknum náði Atli Sigurjónsson góðri stungusendingu inn á Björgvin Stefánsson sem kom boltanum í netið og KR aftur komið marki yfir í leiknum.
Það sem eftir lifði leiks reyndu Skagamenn að sækja og jafna metin. Þrátt fyrir ágæt marktækifæri á köflum þá náðu þeir ekki að nýta færi sín. KR beitti eitruðum skyndisóknum í hálfleiknum sem sköpuðu oft usla í vörn ÍA.
Leiknum lauk þannig með 2-1 sigri KR á ÍA. Skagamenn enduðu þannig í öðru sæti Lengjubikarsins sem gefur ágæt fyrirheit fyrir komandi Íslandsmót, sem hefst eftir tæpar þrjár vikur.
Fyrri hluti aðalfundar KFÍA fyrir árið 2025 fór fram í gær, 11. nóvember. Fín mæting var á fundinn þar sem dagskrá var eftirfarandi: - Kosning fundarstjóra og fundarritara - Farið yfir helstu lykiltölur og lýsandi tölfræði sumarsins í innra og ytra starfi félagsins - Kosning þriggja manna í barna- og unglingaráð til tveggja ára sömu ár og formaðurráðsins er kosinn, en þriggja manna þau ár sem formaður ráðsins er ekki kosinn. - Þjálfarar meistaraflokka gera upp ný yfirstaðið tímabil - Formaður barna- og unglingaráðs fer yfir starf og árangur yngri flokka sumarsins og framkvæmd Norðurálsmótsins - Önnur mál. Breytingar verða á stjórn Barna- og unglingaráðs. Þar kveðja Örn Arnarson og Aðalheiður Rósa Harðardóttir. KFÍA þakkar þeim kærlega fyrir samstarfið og óeigingjarnt starf í þágu félagsins. Í stað þeirra koma inn í ráðið Laufey Jóhannsdóttir og Svava Mjöll Viðarsdóttir. Barna- og unglingaráð félagsins: Anna María Þórðardóttir – formaður Arna Björk Ómarsdóttir, ritari Almar Viðarsson Eggert Kári Karlsson Laufey Jóhannsdóttir Ólafur Valur Valdimarsson Svava Mjöll Viðarsdóttir Aðalstjórn félagsins helst óbreytt og er eftirfarandi: Eggert Herbertsson – formaður Linda Dagmar Hallfreðsdóttir - varaformaður Lilja Gunnarsdóttir - ritari Anna María Þórðardóttir – formaður Barna- og unglingaráðs Ármann Smári Björnsson Ellert Jón Björnsson Jóhannes H. Smárason Lára Dóra Valdimarsdóttir Sturlaugur Haraldsson Að auki fékk Ingi Þór Sigurðsson viðurkenningu fyrir að hafa leikið 100 leiki fyrir félagið en hann náði þeim áfanga á tímabilinu.
Félagsfundur um vallarmál KFÍA á Jaðarsbökkum. Á aðalfundi félagsins sem haldinn var í febrúar síðastliðnum var samþykkt að boða til sérstaks félagsfundar um vallarmál KFÍA á Jaðarsbökkum. Fundurinn verður haldinn í hátíðarsalnum á Jaðarsbökkum, þriðjudaginn 29. apríl kl. 18:00. Dagskrá fundar: 1. Ávarp stjórnar KFÍA 2. Ávarp formanns bæjarráðs 3. Samantekt áhugahóps um íþróttasvæðið á Jaðarsbökkum. 4. Umræður og fyrirspurnir
Friðþjófur Helgason, Magnea Guðlaugsdóttir og Halldór Fr. Jónsson.
Aðalfundur Knattspyrnufélags ÍA verður haldinn mánudaginn 17. febrúar nk. kl. 20:00 í fundarsalnum í Íþróttamiðstöðinni að Jaðarsbökkum. Dagskrá verður skv. 8. grein laga félagsins sem finna má á heimasíðunni. Stjórn Knattspyrnufélags ÍA samþykkti ársreikning félagsins á stjórnarfundi 11. febrúar sl. og má finna slóð á hann hér að neðan. Ársreikningurinn verður borinn upp til samþykktar á aðalfundi sem og meðfylgjandi rekstraráætlun fyrir árið 2025. Þá er einnig birt ársskýrsla Knattspyrnufélags ÍA fyrir starfsárið 2024. Ársskýrsla 2024 Ársreikningur 2024 til samþykktar á aðalfundi Rekstraráætlun 2025
Mánudaginn 17. febrúar nk. kl. 20 í hátíðarsalnum í Íþróttamiðstöðinni að Jaðarsbökkum
Jólahappdrætti Knattspyrnufélags ÍA er farið af stað! Sögulegt verðmæti vinninga er 2.704.398kr. Samtals verður dregið um 60 vinninga, 30 frábærir stakir vinningar og 30 veglegir pakkavinningar. Miðinn kostar litlar 2.500 kr og það er til mikils að vinna. Dregið úr seldum miðum á þrettándanum, 6. Janúar 2025. Við þökkum öllum kærlega fyrir stuðninginn. Áfram ÍA Hér má sjá uppfærða vinningaskrá!
Á aðalfundi félagsins í febrúar var tekin ákvörðun um að halda aðalfund í tvennu lagi, fyrri hluta aðalfundar fyrir 15. nóvember ár hvert og síðari hluta aðalfundar fyrir 20. febrúar ár hvert. Fyrri hluti aðalfundar Knattspyrnufélags ÍA verður haldinn miðvikudaginn 13. nóvember nk. kl. 20 í fundarsalnum í Íþróttamiðstöðinni að Jaðarsbökkum. Dagskrá verður skv. 8. grein laga félagsins sem má sjá á heimasíðu félagsins og er þessi: Kosning fundarstjóra og fundarritara Farið yfir helstu lykiltölur og lýsandi tölfræði sumarsins í innra og ytra starfi félagsins Kosning formanns stjórnar (annað hvert ár). (Kosning í ár) Kosning fjögurra manna í stjórn til tveggja ára sömu ár og formaður stjórnar er kosinn ,en þriggja manna auk formanns barna- og unglingaráðs þau ár sem formaður stjórnar er ekki kosinn. (Kosið um fjóra í stjórn og um formann barna- og unglingaráðs þar sem formaður er að taka við stöðu framkvæmdastjóra félagsins) Kosning formanns barna- og unglingaráðs (annað hvert ár). Kosning þriggja manna í barna- og unglingaráð til tveggja ára sömu ár og formaðurráðsins er kosinn, en þriggja manna þau ár sem formaður ráðsins er ekki kosinn. (kosið um þrjá í ráðið, eingöngu verið að kjósa formann vegna breytinga) Þjálfarar meistaraflokka gera upp ný yfirstaðið tímabil Formaður barna- og unglingaráðs/Yfirþjálfari yngriflokka fer yfir starf og árangur yngri flokka sumarsins og framkvæmd Norðurálsmótsins Önnur mál. Að loknum fyrri hluta aðalfundar skal aðalfundi frestað til síðari hluta hans.
