Sundlaugavaktir á Norðurálsmóti 2011

Eins og flestir vita þá á 6.flokkur kvenna að sjá um vaktir í Jaðarsbakkalaug á Norðurálsmótinu dagana 17. - 19.júní ásamt 7.flokki kvenna.

Þann 17.maí síðastliðinn var foreldrafundur þar sem farið var yfir helstu atriði sem snúa að gæslunni auk þess sem foreldrar gátu skráð sig á vaktir. Til að byrja með viljum við að allir skrái sig á eina vakt en þar sem eitthvað er um forföll þá neyðast einhverjir til að taka tvær vaktir. KFÍA er með þá reglu að á bak við hvern iðkanda séu tvær vaktir. Ef fleiri en einn iðkandi er á heimili er ætlast til þess að foreldrar/forráðamenn standi 2 vaktir fyrir 1.barn og svo 1 vakt fyrir öll börn umfram. Þannig að ef þrjú börn eru á heimili þurfa foreldrar/forráðamenn að manna 4 vaktir.

Eins og staðan er núna á enn eftir að fylla inn í 15 vaktareiningar. Aftur á móti eiga foreldrar/forráðamenn 12 barna enn eftir að skrá sig. Það þarf að gerast sem allra fyrst. Hægt er að skrá sig með því að senda tölvupóst á ludvik@akranes.is.

Þó ber að hafa í huga að á hverri vakt verða að vera a.m.k. 2 karlar og 3 konur eða öfugt.

Hér að neðan má svo sjá vaktatöfluna eins og hún lítur út kl. 14:00 mánudaginn 30.maí.